Նախնական տեղեկություններով՝ Չկալովկայում հայտնաբերված տղամարդը մահացել է ինքնազգացողության վատացման հետևանքով: Այս մասին հայտնում են ՆԳՆ-ից:
Օգոստոսի 1-ին՝ ժամը 12:30-ի սահմաններում, ՆԳՆ ոստիկանության համայնքային ոստիկանության գլխավոր վարչության Սևանի բաժնում օպերատիվ տեղեկություն է ստացվել, որ Չկալովկա բնակավայրի հարակից դաշտում դի կա։
Դեպքի վայր են մեկնել ոստիկանության օպերատիվ խմբեր։
Պարզվել է, որ մահացածը Գեղարքունիքի մարզի բնակիչ 71-ամյա Ա. Հ.-ն է։ Նախնական տեղեկություններով՝ վերջինս վնասվածքը ստացել է ինքնազգացողության վատացման հետևանքով բերանքսիվայր ընկնելու արդյունքում, ինչի հետևանքով էլ մահացել է։
Կազմված փաստաթղթերը փոխանցվել են նախաքննական մարմին, հանգամանքները պարզվում են։
