Գերմանիայի կանցլեր Ֆրիդրիխ Մերցին սուլոցներով են ընդունել Բեռլինում Գերմանիայի արհմիությունների կոնֆեդերացիայի (DGB) դաշնային համագումարում իր ելույթի ժամանակ, հաղորդում է Bild թերթը։
Ներկաները բազմիցս բարձրաձայն սուլում էին Մերցին և փորձում էին ընդհատել նրա ելույթը՝ լսարանի ծաղրական արտահայտություններով։ Դա շարունակվել է մոտ 15 րոպե։ Երբ Գերմանիայի կանցլերը խոսել է երկրում բարեփոխումների իրականացման մասին և դրանց ծրագրերը անվանել «հնարավորություն», նա կրկին ենթարկվել է վիրավորանքների և սուլոցների տարափի։
Իր հերթին, Մերցը հանգիստ էպահել իրեն և շարունակել է իր ելույթը։ Ի թիվս այլ բաների, նա խոսել է սոցիալական պետության բարեփոխման անհրաժեշտության մասին։ Գերմանիայի վարչապետը կրկնել է իր նախորդի՝ Գերմանիայի նախկին կանցլեր Օլաֆ Շոլցի նախորդ խոստումը։ Չորս տարի առաջ Շոլցը խոստացել էր, որ այսպես կոչված շրջադարձային պահը չի ազդի սոցիալական քաղաքականության կամ աշխատավարձ ստացողների վրա։
