Ռուսաստանի արտաքին գործերի նախարարության խոսնակ Մարիա Զախարովան հայտարարել է, որ Գերմանիան դեռևս հրաժարվում է Լենինգրադի պաշարումը ճանաչել որպես ցեղասպանության ակտ։ «Ի դեպ, Բեռլինը դեռևս հրաժարվում է Լենինգրադի պաշարումը և խորհրդային քաղաքացիների դեմ նացիստական այլ հանցագործությունները ճանաչել որպես Խորհրդային Միության ժողովուրդների դեմ ցեղասպանության ակտեր։
Գերմանիայի ներկայիս իշխող շրջանակները, ակնհայտորեն, չեն կարողացել սովորել պատմության դասերը», - ասել է նա հինգշաբթի օրը կայացած ճեպազրույցի ժամանակ։
Զախարովան նշել է, որ Գերմանիայի ներկայիս իշխանությունները չեն կարողացել լիովին հասկանալ պատմության դասերը և դրանցից ճիշտ եզրակացություններ անել։ «Ոչ թե որովհետև գերմանացի ժողովուրդն էր այդպես ուզում։ Ոչ մի նման բան։ Այլ որովհետև այս մարդկանց Բեռլին են բերել նրանք, ովքեր նախկինում նման մարդկանց էին Բեռլին բերել», - եզրափակեԼ Է նա։
