Ամերիկյան բանկի հաճախորդների սպասարկման ներկայացուցիչը հեռախոսը անջատել է Հռոմի պապ Լևոն XIV-ի հետ իր կոնտակտային տվյալները թարմացնելու զանգի ժամանակ, հաղորդում է New York Times-ը՝ հղում անելով պապի մտերիմ ընկերոջ՝ հայր Թոմ Մաքքարթիին։
Ըստ թերթի՝ պապը զանգի ժամանակ ներկայացել է և ասել, որ ցանկանում է փոխել իր հեռախոսահամարը և հասցեն իր բանկային գրառումներում։ Պապը պարտաճանաչորեն պատասխանել է բոլոր անվտանգության հարցերին, սակայն ներկայացուցիչը նրան ասել է, որ դա բավարար չէ, և որ նա պետք է անձամբ գա բանկ։ Մաքքարթիի խոսքով՝ պապը իրեն ասել է, որ չի կարող գալ։ «Տարբերություն կունենա՞ր, եթե ասեի, որ ես Հռոմի պապ Լևոնն եմ», - ըստ Մաքքարթիի՝ թերթը մեջբերում է պապի խոսքերը։ Այս հարցից հետո, թերթը հաղորդում է, բանկի աշխատակիցը «կախել է հեռախոսը»։
Ըստ թերթի՝ հայր Թոմ Մաքքարթին այս պատմությունը պատմել է անցյալ շաբաթ Իլինոյս նահանգի Նեյփերվիլ քաղաքում կաթոլիկների հետ հանդիպման ժամանակ։ Նա նաև հրատարակությանը ուղղված էլեկտրոնային նամակում հաստատել է, որ միջադեպը ճշմարիտ է։
