Մի քանի շաբաթ է, ինչ ողջ հանրությունը հետևում է դերասան Գոռ Հակոբյանի որդու՝ Ֆելիքսի առողջական վիճակին և նրա համար կազմակերպված դրամահավաքին։ Փոքրիկի պատմությունը ոչ մեկին անտարբեր չի թողել։
Այս օրերին Ֆելիքսի համար առանձնահատուկ ու շատ հուզիչ անակնկալ են պատրաստել նրա համադասարանցիները։ Նրանք փոքրիկին նվիրել են գիրք, որի անկյունում գրել են իրենց ջերմ ու անկեղծ ցանկությունները։
Գրքի անկյունում կարելի է կարդալ երեխաների պարզ, բայց շատ խորիմաստ խոսքերը․
«Ֆելիքս ջան, սպասում եմ քեզ, որ միասին “Փաբջի” խաղանք։ Սիրով՝ Նարեկ»
«Ֆելիքս՝ ընկերս, սպասում եմ…» — Մարկ
«Շուտ վերադարձի՛ր, որ հայոց լեզվի ժամին ծիծաղենք…» — Հասմիկ
«Աղի ձողիկները եկել են քեզ մոտ» — Անի Բ.
«Ուզում եմ՝ ժպտաս» — Արմեն
«Ես քեզ կարոտել եմ…» — Գագիկ
«Էլ չհիվանդանաս…» — Սաշա, Հովհաննես
«Ֆելիքս ջան, քեզ շատ եմ կարոտել…» — Դավիթ
«Քեզ շատ քաղցրավենիքներ» — Անի, Եվա, Էրիկ
«Իմ Ֆելիքս, սպասում եմ, որ շատ 10-եր նշանակեմ։ Սիրում եմ քեզ, իմ ազնիվ տղա-ընկեր» — Արևիկ
Այս փոքրիկ նամակները լցված են մաքրությամբ, սիրով ու անհամբեր սպասումով։ Դրանք ևս մեկ անգամ ցույց են տալիս, թե որքան կարևոր է աջակցությունը թեկուզ ամենափոքր ժեստերի միջոցով։
