Պետական եկամուտների կոմիտեն 2024 թ-ի առաջին 9 ամիսների ընթացքում նախորդ տարվա նույն ժամանակահատվածի համեմատ հավաքագրել է 6,8 %-ով ավելի գումար։
Այս մասին ԱԺ մշտական հանձնաժողովների համատեղ նիստում 2025-ի պետական բյուջեի մասին օրենքի նախագծի նախնական քննարկմանն ասել է ՊԵԿ նախագահ Ռուստամ Բադասյանը։
«Այս տարվա հունվար-սեպտեմբեր ամիսներին հավաքագրված հարկային եկամուտները կազմել են 1 տրիլիոն 760 միլիարդ դրամ, ինչը նախորդ տարվա նույն ժամանակահատվածի համեմատ ավելի է 112,7 միլիարդ դրամով կամ 6,8 %-ով։
Մինչև տարվա վերջ այս աճի դինամիկան կշարունակվի և կունենանք բարելավում»,- նշել է Բադասյանը։
