Չադի կառավարությունը որոշել է փակել Սուդանի հետ սահմանը, հաղորդում է Tchad24 հեռուստաալիքը։ «Իր տարածք և սահմանային անցումներ բազմիցս ներխուժելուն ի պատասխան՝ Չադի իշխանությունները հայտարարել են Սուդանի հետ սահմանի անհապաղ փակման մասին», - նշել է հեռարձակողը։
Ավելի վաղ «Sudan Tribune» թերթը հաղորդել էր, որ Չադը փակել է Սուդանի հետ մի քանի սահմանային անցումներ, այդ թվում՝ Արևմտյան Դարֆուրի հետ սահմանին գտնվող Ադրե կարևոր անցակետը՝ սուդանյան զինված խմբավորումների իր տարածք ներթափանցումը կանխելու համար։ Թերթի տվյալներով՝ այս քայլը տեղի է ունեցել Հյուսիսային և Արևմտյան Դարֆուր նահանգներում՝ Չադի հետ սահմանի մոտ, դաշնակիցների կողմից աջակցվող Սուդանի բանակի և արագ միջամտության ուժերի (RIF) միջև մարտերի սրման ֆոնին։
Չադի լրատվամիջոցները շաբաթ օրը հաղորդել են, որ RIF-ի զինյալները հարձակվել են Թինա քաղաքում գտնվող Չադի բանակի ճամբարի վրա՝ սպանելով մի քանի մարդու և ոչնչացնելով ռազմական տեխնիկա։ Նջամենան դեռևս պաշտոնապես չի մեկնաբանել միջադեպը։
