ՆԱՏՕ-ի վերազինման պահանջով և ավելի ու ավելի անկայուն միջավայրի պատճառով Պորտուգալիան պատրաստվում է հաջորդ տասնամյակում միլիարդավոր եվրոներ ներդնել պաշտպանության ոլորտում:
Անցյալ տարվա հունիսին Հաագայում կայացած ՆԱՏՕ-ի գագաթնաժողովից հետո Պորտուգալիայի վարչապետ Լուիշ Մոնտենեգրուն խոստացավ հաջորդ 10 տարիների ընթացքում համախառն ներքին արդյունքի (ՀՆԱ) 3.5%-ը հատկացնել ռազմական ծախսերին: Սրան պետք է ավելացնել ներդրումների և ենթակառուցվածքների համար նախատեսված ևս 1.5% անուղղակի ծախսերը, որոնք կարող են օգտագործվել նաև ռազմական նպատակներով։
Նախագիծը խոշոր ֆինանսական ձեռնարկում է, որը համապատասխանում է տրանսատլանտյան կազմակերպության պահանջներին, ըստ որի՝ ՆԱՏՕ-ի անդամ երկրները պաշտպանության մեջ պետք է ներդնեն իրենց ՀՆԱ-ի առնվազն 5%-ը։
450 միլիոն եվրո․ ըստ գնահատականների ՝ մոտավորապես այդքան գումարի չափով յուրաքանչյուր տարի պետք է աճեն պաշտպանական ծախսերը՝ հաջորդ 10 տարիների ընթացքում նշված նպատակին հասնելու համար։
