Թուրքական լրատվամիջոցները հաղորդում են, որ Թուրքիայի իրավապահ մարմինների կողմից թմրանյութերի դեմ պայքարի լայնածավալ գործողության շրջանակներում ձերբակալվել են ևս երկու հայտնի անձինք։
Ստամբուլի գլխավոր դատախազության կողմից անցկացված հետաքննության ընթացքում գիշերը ձերբակալվել են սոցիալական ցանցերի հայտնի դեմքեր, բլոգերներ Թահա Օզերը և Սիմգե Բարանկօղլուն։
Հետաքննությունը պարզել է, որ Բարանկօղլուն հետախուզվում էր նաև խարդախության մեղադրանքով։
Ավելի վաղ, 2021 թվականի դեկտեմբերին, նա ձերբակալվել էր սոցիալական մեդիայում խարդախության սխեմայում ենթադրաբար ներգրավված հանցավոր խմբի դեմ գործողության շրջանակներում, որից հետո դատարանը երիտասարդ աղջկան ձերբակալելու որոշում էր կայացրել։
