Իլոն Մասկը հայտարարել է, որ ԱՄՆ–ը պետք է պահանջի քաղաքացիներից անձնագիր՝ ընտրություններին մասնակցելու համար։
«Ամերիկան պետք է պահանջի անձնագիր ընտրությունների ժամանակ։ Սա ակնհայտ է», — գրել է Մասկը X սոցիալական ցանցում։ Այս խոսքերով նա պատասխանել է օգտատիրոջ գրառմանը, որտեղ ներկայացված է ավելի քան 100 երկրի ցուցակ, որտեղ ներդրված է ընտրողների նույնականացման համակարգ, իսկ ԱՄՆ-ը այդ ցուցակում ընդգրկված չէ։
2020 թ.–ի նոյեմբերի նախագահական ընտրություններից հետո, որտեղ հաղթել է դեմոկրատ Ջո Բայդենը, Դոնալդ Թրամփն ու այլ հանրապետականներ պնդել էին քվեարկության համակարգային խախտումների մասին։ Նրանք բազմիցս դիմել էին դատարաններին՝ որոշ նահանգներում քվեների հաշվարկը նորից անցկացնելու պահանջով։
Այնուամենայնիվ, հանրապետականների գործողությունները հաջողության չէին հասել, և նրանց հայցերը մերժվել էին։
