«Դատաստանի օրվա ժամացույցը», որը ցույց է տալիս համաշխարհային աղետի սպառնալիքի աստիճանը, տեղափոխվել է չորս վայրկյան առաջ։ Այն այժմ ցույց է տալիս 85 վայրկյան մինչև կեսգիշեր, հայտնում է ամերիկյան «Bulletin of the Atomic Scientists» ամսագիրը։
«Ահեղ դատաստանի ժամացույցը» աշխարհի վերջին ավելի մոտ է, քան երբևէ։ Նախագծի հեղինակները պնդում են, որ իրենց որոշման վրա ազդել է այն փաստը, որ վերջին մեկ տարվա ընթացքում «մարդկությունը էական առաջընթաց չի գրանցել գոյաբանական ռիսկերի հաղթահարման գործում»։
«Bulletin of the Atomic Scientists» ամսագիրը գնահատում է գլոբալ սպառնալիքները 1947 թվականից ի վեր։ Անցյալ տարի «Ահեղ դատաստանի ժամացույցի» սլաքը մեկ վայրկյան առաջ էր շարժվել։ Մի քանի տարի առաջ ժամացույցը ցույց էր տալիս կեսգիշերից 100 վայրկյան առաջ։
