Սաուդյան Արաբիան, Կատարը և Օմանը «նշանակալի դիվանագիտական ջանքեր են գործադրել»՝ ԱՄՆ նախագահ Դոնալդ Թրամփին համոզելու չհարձակվել Իրանի վրա և Թեհրանին «հնարավորություն տալու ցուցադրել բարի մտադրություններ», հաղորդում է «Ֆրանս Պրես» գործակալությունը՝ հղում անելով սաուդյան պաշտոնյայի։
Նա ասել է, որ երեք երկրները Վաշինգտոնին զգուշացրել են «տարածաշրջանի համար լուրջ հետևանքների» մասին՝ լարվածության սրման դեպքում։ Նա հավելել է, որ «բանակցությունները շարունակվում են՝ ձեռք բերված վստահությունը ամրապնդելու և դրական վերաբերմունքը պահպանելու համար»։
Թրամփը նախկինում զգուշացրել էր, որ լրջորեն քննարկում է Իսլամական Հանրապետության դեմ ուժ կիրառելու հնարավորությունը։
