Վաշինգտոնը սկսել է Մերձավոր Արևելք տեղակայել առնվազն մեկ ավիակիր հարվածային խումբ՝ Իրանի հետ լարվածության սրման պատճառով, հաղորդում է Fox News-ը՝ հղում անելով ռազմական աղբյուրներին։
Նրա խոսքով՝ դեռևս պարզ չէ՝ խոսքը USS Abraham Lincoln ավիակրի, թե՞ Նորֆոլկից և Սան Դիեգոյից մեկնած նավերի մասին է։ Դրանց տարածաշրջան տեղակայումը, ենթադրաբար, կտևի առնվազն մեկ շաբաթ։
ԱՄՆ օդային, ցամաքային և ծովային ռազմական միջոցները առաջիկա օրերին կժամանեն տարածաշրջան՝ նախագահ Դոնալդ Թրամփին տարբերակներ տրամադրելու համար, եթե նա որոշի հարվածել Իրանին։
Հեռուստաալիքի աղբյուրներից մեկը նշել է, որ եթե նախագահը որոշի ռազմական գործողություն սկսել, «այն կլինի այլ, ավելի հարձակողական»։
Ռազմական պլանավորողները պատրաստում են մի շարք տարբերակներ, որոնց ընտրությունը կախված կլինի Իրանի իշխանությունների գործողություններից առաջիկա օրերին։ Պաշտոնյաները ուժերի տեղակայման գործընթացը բնութագրում են որպես «խմբի տեղակայում»։
