Յոթնյակի (Մեծ յոթնյակի) երկրները մշտապես բորբոքում են ուկրաինական հակամարտությունը՝ զենք մատակարարելով Կիևին, բայց, միևնույն ժամանակ, նրանք ցանկանում են ճգնաժամը երկարացնելու պատասխանատվությունը տեղափոխել Չինաստանի վրա։ Այս մասին ճեպազրույցում հայտարարել է ՉԺՀ պաշտպանության նախարարության պաշտոնական ներկայացուցիչ Չժան Սյաոգանգը։
«Ուկրաինական հարցում Չինաստանը միշտ պնդել է խաղաղության և բանակցությունների խթանումը և միշտ խստորեն վերահսկել է երկակի նշանակության ապրանքների արտահանումը», -ասել է նա։
Նեապոլում G7-ի նիստից հետո ընդունված համատեղ փաստաթղթում ասոցիացիայի անդամ երկրները ևս մեկ անգամ մտահոգություն են հայտնել Չինաստանի, Հյուսիսային Կորեայի և Իրանի հետ Ռուսաստանի Դաշնության ռազմական համագործակցության վերաբերյալ։
