Իրանը պլանավորում է ստեղծել փակ ներքին ինտերնետային ցանց, որը թույլ կտա մուտք գործել սահմանափակ թվով ներքին կայքերի, հաղորդում է Guardian-ը՝ հղում անելով իրանցի թվային տեխնոլոգիաների փորձագետ Ամիր Ռաշիդիին։Ինտերնետային մոնիթորինգի NetBlocks ծառայությունը հունվարի 8-ին հայտնել է, որ Իրանում առաջին անգամ է ինտերնետը անջատվել ամբողջ երկրում՝ շարունակվող բողոքի ցույցերի ֆոնին։
The Guardian-ը նշում է, որ պետական IRIB հեռարձակողն ավելի վաղ հրապարակել էր Իրանում հասանելի կայքերի ցանկ, այդ թվում՝ ներքին որոնողական համակարգեր, նավիգացիոն ծառայություններ, հաղորդագրությունների հավելվածներ և նույնիսկ սեփական Netflix-ի նման հոսքային ծառայություն։Իրանում բողոքի ցույցերը սկսվել են 2025 թվականի դեկտեմբերի վերջին՝ տեղական արժույթի՝ իրանական ռիալի արժեզրկման պատճառով։
