Աֆղանստանը չի ընդունում իր տարածքում որևէ օտարերկրյա ռազմական կոնտինգենտի ներկայությունը, այդ թվում՝ Բագրամի ավիաբազայի վերաբերյալ ԱՄՆ պահանջները, «ՌԻԱ Նովոստի»-ին տված հարցազրույցում հայտարարել է Աֆղանստանի կառավարության խոսնակ Զաբիհուլլահ Մուջահիդը։
«Բագրամի ավիաբազան Աֆղանստանի տարածքի անբաժանելի մասն է, մենք թույլ չենք տա, որ մեկ այլ պետության զինվորականներ գտնվեն Աֆղանստանի տարածքում։
Այս հարցը վերաբերում է ոչ միայն մեր ղեկավարությանը, այլև զգայուն թեմա է ամբողջ ազգի համար։ Մենք բազմիցս արտահայտել ենք այս դիրքորոշումը, և ամերիկացիները լավ գիտակցում են դա», - ասել է պաշտոնյան։
Անցյալ տարվա սեպտեմբերին ԱՄՆ նախագահ Դոնալդ Թրամփը սպառնաց Աֆղանստանին «վատ» հետևանքներով, եթե այն հրաժարվի Բաղրամը հանձնել ԱՄՆ վերահսկողությանը։
