Իրանական կողմը կապ է հաստատել ԱՄՆ նախագահի հատուկ դեսպանորդ Սթիվեն Ուիթքոֆի հետ, լրագրողներին հայտնել է Սպիտակ տան մամուլի քարտուղար Քերոլայն Լիվիտը։«Կար մի իրանցի կառավարության պաշտոնյա, որը ԱՄՆ նախագահ Դոնալդ Թրամփի ամենամոտ վստահելի մարդկանցից մեկին՝ հատուկ ներկայացուցիչ Ուիթքոֆին, մոտեցավ բոլորովին այլ տոնով, քան դուք լսում էիք հրապարակավ», – ասել է Լիվիթը։
Նա հավելել է, որ այս շփումների մասին նախկինում հաղորդվել էր լրատվամիջոցներում։«Ես հասկանում եմ, որ Սթիվեն Ուիթքոֆը շատ կարևոր դեր կխաղա Իրանի հարցում դիվանագիտական գործընթացում», – ընդգծել է Սպիտակ տան մամուլի քարտուղարը։Fox News-ին տված հարցազրույցում Լիվիտը նաև պնդել է.
«Այն, ինչ իրանական ռեժիմը հրապարակավ ասում է, շատ տարբերվում է այն ուղերձներից, որոնք անձնական հաղորդագրություններով ուղարկում է Միացյալ Նահանգներին և Թրամփի վարչակազմին»։Axios-ը նախկինում, աղբյուրներին հղում անելով, հայտնել էր, որ Ուիթքոֆը և Իրանի արտգործնախարար Աբբաս Արաղչին քննարկել են Իսլամական Հանրապետությունում տեղի ունեցող անկարգությունները և շաբաթավերջին հանդիպում անցկացնելու հնարավորությունը։
