Իրանի գերագույն առաջնորդ այաթոլլա Ալի Խամենեիի քաղաքական խորհրդական Ալի Շամխանին հայտարարել է, որ Իրանի դեմ ցանկացած ագրեսիա կարժանանա կոշտ և անհապաղ պատասխանի։
«Իրանի պաշտպանական դոկտրինը սահմանում է որոշակի հակազդեցություններ նույնիսկ սպառնալիքի իրականացումից առաջ։ Իրանի հրթիռային և պաշտպանական կարողությունները անվերահսկելի են և թույլտվություն չեն պահանջում: Ցանկացած ագրեսիա կհանդիպի անհապաղ, կոշտ պատասխանի, որը անհասկանալի է դրա հեղինակների համար»,-գրել է Շամխանին X-ում։
Ավելի վաղ Իսրայելի վարչապետ Բենիամին Նեթանյահուի հետ մամուլի ասուլիսում ԱՄՆ առաջնորդ Դոնալդ Թրամփը հայտարարել էր, որ Միացյալ Նահանգները պատրաստ է Իրանի հետ երկխոսության, բայց կարող է ուժ կիրառել, և այդ դեպքում հետևանքներն ավելի լուրջ կլինեն, քան միջուկային օբյեկտներին հարվածելը։
«Հուսով եմ՝ նրանք չեն փորձում վերսկսել միջուկային ծրագիրը, քանի որ եթե դա անեն, մենք այլընտրանք չենք ունենա, քան արագորեն ոչնչացնել այն»,-ասել է նա։
