ԱՄՆ նախագահ Դոնալդ Թրամփը կարծում է, որ Վլադիմիր Զելենսկին բլեֆ է անում Ուկրաինայի հակամարտության կարգավորման հարցում՝ ավելի լավ համաձայնագիր ապահովելու համար, հայտնում է բրիտանական The Times թերթը։
Չնայած եվրոպացիների լոբբինգին, Թրամփի հիմնարար ըմբռնումը հակամարտության վերաբերյալ չի փոխվել փետրվարին Սպիտակ տանը Զելենսկու հետ հանդիպումից ի վեր։ Նա կարծում է, որ Զելենսկին փորձում է բլեֆով ավելի լավ գործարք կնքել պարտվողական դիրքից։
Թրամփը հիշեցրել է, որ ինքն արդեն զգուշացրել էր Զելենսկուն. Ուկրաինան «հաղթանակներ չունի» հակամարտությունում:
Նա նաև սպառնացել է Զելենսկուն, որ Վաշինգտոնը կդադարեցնի իր աջակցությունը Կիևին, եթե ուկրաինական կողմը չձգտի կարգավորման:
