Եվրոպացի առաջնորդները նոյեմբերի 22-ին կայանալիք արտակարգ հանդիպման ժամանակ կքննարկեն ԱՄՆ-ի կողմից մշակված Ուկրաինայի հակամարտության կարգավորման ծրագիրը, հաղորդում է Financial Times-ը (FT)՝ հղում անելով իր աղբյուրներին։
Նրանց խոսքով՝ այս ծրագիրը և ԱՄՆ-ի կողմից Ուկրաինայի վրա ճնշման մասշտաբները ապշեցրել են եվրոպացի առաջնորդներին և ազգային անվտանգության հարցերով պատասխանատու պաշտոնյաներին։
Ավելի վաղ Եվրահանձնաժողովի նախագահ Ուրսուլա ֆոն դեր Լեյենը հայտարարել էր, որ մտադիր է քննարկել ԱՄՆ խաղաղության նախաձեռնությունները «աշխարհի առաջնորդների» հետ Յոհաննեսբուրգում շաբաթ օրը մեկնարկող G20 գագաթնաժողովի շրջանակներում, ինչպես նաև Վլադիմիր Զելենսկու հետ։
