Իրանի իշխանությունները պատրաստ են վերսկսել բանակցությունները ԱՄՆ-ի հետ Իսլամական Հանրապետության միջուկային ծրագրի շուրջ, եթե նրանք բավարարեն Թեհրանի պահանջները, CNN-ին ասել է Իրանի գերագույն առաջնորդ այաթոլլա Ալի Խամենեիի խորհրդական և Արտաքին հարաբերությունների ռազմավարական խորհրդի ղեկավար Քամալ Խարազին։
«Նրանք պետք է առաջին քայլը անեն և ցույց տան, որ պատրաստ են մեզ հետ համագործակցել մեր կողմից սահմանված պայմաններով», - ասել է պաշտոնյան։ «Սա պետք է հիմնված լինի հավասարության և փոխադարձ հարգանքի վրա»։
Նրա խոսքով՝ Իրանին միջուկային վառելիք է անհրաժեշտ քաղաքացիական օգտագործման համար, այդ թվում՝ բժշկության մեջ, ուստի Թեհրանը պատրաստ է Վաշինգտոնի հետ խոսել միայն ուրանի «հարստացման աստիճանի» մասին, բայց ոչ դրա դադարեցման մասին։
«Եթե Իրանի և Միացյալ Նահանգների միջև իրական բանակցություններ լինեն, կգտնվեն եղանակներ և միջոցներ, որոնք թույլ կտան Իրանին շարունակել [ուրանի] հարստացումը՝ միաժամանակ վստահեցնելով մյուս [երկրներին], որ չի փորձի միջուկային զենք մշակել», - ասաց Խարազին։
