Դամասկոսի արևմտյան Մեզզա թաղամասում տեղի է ունեցել առնվազն երեք հզոր պայթյուն, հաղորդում է «Շաֆաք Նյուզ»-ը՝ հղում անելով իրավապահ մարմինների աղբյուրներին։
Քաղաքը հրթիռակոծվել է անհայտ զինյալների կողմից։ Աբդել Ռահման մզկիթի մոտակայքում գտնվող թաղամասում կառավարվող հրթիռը հարվածել է եռահարկ շենքի, որի հետևանքով զոհվել է մեկ կին, վիրավորվել են մի քանիսը։ Զոհերի թիվը ճշտվում է։
Մեզզա-86 թաղամասից, որտեղ ժամանել են հրշեջ մեքենաներ և փրկարարական խմբեր, երկինք են բարձրանում խիտ ծխի սյուներ: Շտապօգնության մեքենաները զոհերին տեղափոխում են հիվանդանոցներ:
Ոստիկանությունը շրջափակել է այն տարածքները, որտեղ գրանցվել են պայթյունները, և հետաքննություն է ընթանում։
