Գերմանիայից արձակուրդի համար Ստամբուլ ժամանած մայրը և երկու երեխաները՝ երեք և վեց տարեկան, մահացել են, ենթադրաբար՝ արագ սննդից թունավորվելուց։ Հետաքննություն է ընթանում, ուրբաթ օրը հաղորդել է Milliyet թերթը։
Հրատարակության տվյալներով՝ Ֆաթիհ թաղամասի հյուրանոցի անձնակազմը նոյեմբերի 12-ին շտապօգնություն է կանչել Գերմանիայից ժամանած զբոսաշրջիկների ընտանիքի համար, որոնք բողոքել էին փսխումից և վատ ինքնազգացողությունից։
Նրանք հոսպիտալացվել են, սակայն բուժում ստանալուց հետո նույն օրը դուրս են գրվել։ Հինգշաբթի գիշերը երեխաների վիճակը կրկին կտրուկ վատացել է, և նրանք կորցրել են գիտակցությունը։ Ընտանիքը կրկին հոսպիտալացվել է։
«Չնայած բժիշկների ջանքերին ՝ 3-ամյա Մասալին և 6-ամյա Քադիրին փրկել չի հաջողվել։ Նրանց մայրը՝ Չիդեմը, նույնպես մահացել է ուրբաթ օրը, իսկ հայրը մնում է հիվանդանոցի վերակենդանացման բաժանմունքում», - հաղորդել է հրատարակությունը։
