Ինտերպոլի գործակալները Մոզամբիկում թմրանյութերի և մարդկանց ապօրինի շրջանառության դեմ պայքարի գործողություն են սկսել, հայտարարել է Ներքին գործերի նախարար Պաուլո Չաչինին։
«Ինտերպոլը գործողություն է սկսել, որն իրականացվում է մեր երկրում՝ այլ երկրների ջանքերի հետ համակարգված», - նախարարի խոսքերն է մեջբերում AIM լրատվական գործակալությունը։
«Այն տեղի է ունենում նաև Հարավային Աֆրիկայում, Տանզանիայում, Էսվատինիում և Նամիբիայում։ Նպատակն է պայքարել մարդկանց առևտրի, թմրանյութերի ապօրինի շրջանառության և անօրինական միգրացիայի դեմ»։
Նախարարը չի բացահայտել գործողության մանրամասները։
