Իսրայելի իշխանությունների կողմից Կարմիր խաչի միջազգային կոմիտեի ներկայացուցիչների միջոցով Գազայի հատվածի առողջապահության նախարարությանը հանձնված պաղեստինցիների մարմինների մեկ երրորդից էլ պակասը նույնականացվել է, ասվում է Գազայի հատվածի առողջապահության նախարարության Telegram ալիքում տեղադրված հայտարարության մեջ։
Գործակալության տվյալներով՝ հրադադարի մասին համաձայնագրի ուժի մեջ մտնելուց ի վեր Գազայի հատված է վերադարձվել 315 մարդու մադսունք։ Մինչ օրս միայն 91 մարմին է նույնականացվել, մնացածի ինքնությունը դեռևս անհայտ է։
Մերձավոր Արևելքում իրավիճակը կտրուկ սրվեց այն բանից հետո, երբ պաղեստինյան ՀԱՄԱՍ շարժման զինված կողմնակիցները 2023 թվականի հոկտեմբերի 7-ին Գազայի հատվածից մտան Իսրայելի տարածք, սպանեցին սահմանամերձ բնակավայրերի բնակիչներին և ավելի քան 250 պատանդ վերցրին։
Ի պատասխան՝ Իսրայելը ռազմական գործողություն սկսեց անկլավում՝ նպատակ ունենալով ոչնչացնել Համասի ռազմական և քաղաքական կառույցները և ազատ արձակել բոլոր առևանգվածներին։
