ԱՄՆ սենատորների խումբը, այդ թվում՝ և՛ Դեմոկրատական, և՛ Հանրապետական կուսակցությունների ներկայացուցիչները, ԱՄՆ նախագահ Դոնալդ Թրամփի և Հունգարիայի վարչապետ Վիկտոր Օրբանի միջև կայանալիք հանդիպման նախաշեմին
դիմել են Հունգարիայի իշխանություններին՝ ռուսական նավթ գնելուց հրաժարվելու խնդրանքով, հաղորդում է Bloomberg-ը՝ հղում անելով իր ձեռք բերած բանաձևի պատճենին։
«ԱՄՆ սենատորների երկկուսակցական խումբը կոչ է անում Հունգարիային դադարեցնել ռուսական էներգակիրների գնումը», - ասվում է գործակալության հայտարարության մեջ։
Բանաձևում, որը ստորագրել են 10 սենատորներ, այդ թվում՝ հանրապետականներ Ռոջեր Ուիքերը և Միչ Մաքքոնելը, ինչպես նաև դեմոկրատներ Ջին Շահինը, Քրիս Վան Հոլենը և Քրիս Քունսը, նշվում է, որ Հունգարիան «ցույց չի տվել ռուսական բրածո վառելիքից կախվածությունը նվազեցնելու որևէ նշան»։
ԱՄՆ նախագահ Դոնալդ Թրամփը ուրբաթ օրը Սպիտակ տանը կընդունի Հունգարիայի վարչապետ Վիկտոր Օրբանին՝ Բուդապեշտում նախատեսված Ռուսաստան-ԱՄՆ գագաթնաժողովի հետաձգումից հետո։
