Անսահման հպարտությամբ ու սիրով նշեցինք Հայաստանի անկախության տոնը Մոնակոյում։ Այս մասին «Ֆեյսբուք»–ի իր էջում գրել է գործարար Վրույր Փենեսյանը։
«Միջոցառումը անցկացվեց Ֆրանսիայում և Մոնակոյում՝ Հայաստանի դեսպանության բարձր հովանու ներքո։
Իմ խորին երախտագիտությունն եմ հայտնում հայ մշակույթի անչափ տաղանդավոր գործիչներին, որոնք իրենց անզուգական կատարումներով հիացրեցին հանդիսատեսին։ Նրանց շնորհիվ երեկոն լցվեց ջերմությամբ, հուզմունքով և հայ մշակույթի անքակտելի ոգով։
Բոլորը հիացած էին և սրտանց բարեմաղթանքներ էին հղում մեզ։
Ուրախ եմ, որ կարողացա իմ փոքրիկ ներդրումն ունենալ հայրենիքիս անունը բարձր պահելու գործում :
Շուտով կկիսվեմ միջոցառման մանրամասնություններով, ինչպես նաև հարուստ լուսանկարային և տեսանյութային նյութերով՝ փոխանցելու այդ օրվա անկրկնելի մթնոլորտը։
Հատուկ շնորհակալություն տեղեկատվական գործընկեր Euromedia24 TV ընկերությանը՝ մշտապես մեր կողքին լինելու և միջոցառումը լուսաբանելու համար»,– նշել է նա։
