ՈՒԵՖԱ-ն հետաքննություն է սկսել «Յուվենտուսի» դեմ ֆինանսական արդար խաղի կանոնների հնարավոր խախտման համար, հաղորդում է TuttoMercato-ն:
Թուրինյան ակումբը 2022-2025 թվականներին գերազանցել է 30 միլիոն եվրո ծախսի սահմանաչափը: Դա հաստատվել է ակումբի հրապարակած ֆինանսական հաշվետվությամբ։
Եվրոպական ֆուտբոլի գլխավոր կառույցը հետաքննությունը կավարտի հաջորդ տարվա գարնանը: Իտալական ակումբը կարող է ենթարկվել ֆինանսական պատժամիջոցների, հնարավոր է` նաև սահմանափակումներ ունենա ՈՒԵՖԱ-ի մրցաշարերում նոր ֆուտբոլիստներ գրանցելու հարցում:
2022-2023 թվականներին ևս «Յուվենտուսի» դեմ հետաքննություն էր անցկացվել, պատճառը նույնն էր: Այդ ժամանակ ՈՒԵՖԱ-ն «Յուվենտուսին» տուգանել էր 10 միլիոն եվրոյով:
