ԵՄ-ում սպառնում են չեղարկել Վրաստանի հետ անայցագիր ռեժիմը «oտարերկրյա գործակալների» մասին օրենքի պատճառով. FT

22.05 21:28 | Կատեգորիա Եվրոպա

Նիդեռլանդները, Էստոնիան, Չեխիան և Շվեդիան պահանջում են պատժամիջոցներ սահմանել Վրաստանի դեմ՝ ի պատասխան «Օտարերկրյա ազդեցության թափանցիկության մասին» վիճահարույց օրենքն ընդունելու՝ վրացական կառավարության ջանքերի։ «Արմենպրես»-ի փոխանցմամբ՝ այս մասին գրում է Financial Times (FT) պարբերականը։Հնարավոր սահմանափակումների թվում են Վրաստանի և ԵՄ-ի միջև անայցագիր ռեժիմի դադարեցումը, հասցեական պատժամիջոցներն օրենքը սատարող իշխող «Վրացական երազանք» կուսակցության անդամների նկատմամբ և եվրոպական հիմնադրամներից միջոցների հատկացման սառեցումը, նշում է հրատարակությունը։Վրաստանի դեմ հնարավոր պատժամիջոցների քննարկումը տեղի կունենա մայիսի 27-ին ԵՄ պետությունների արտգործնախարարների հանդիպմանը։FT-ն նշում է, որ Վրաստանը, լինելով Եվրամիության անդամության թեկնածու, անտեսել է Բրյուսելի նախազգուշացումները և ամիսներ տևած փողոցային բողոքները՝ շարունակելով օրենքի ընդունման ընթացակարգը:Հրատարակության՝ խնդրից տեղյակ աղբյուրները հայտնել են, որ ԵՄ-ն դիտարկում է «Վրաստանի կառավարության վրա ճնշում գործադրելու տարբեր միջոցներ»:Ապրիլի 25-ին Եվրախորհրդարանը բանաձև է ընդունել, ըստ որի Բրյուսելը կդադարեցնի Վրաստանի հետ ԵՄ-ին անդամակցելու շուրջ բանակցությունները, եթե «Օտարերկրյա ազդեցության թափանցիկության մասին» օրենքն ընդունվի։ Եվրոպայի խորհրդի Վենետիկի հանձնաժողովը մայիսի 21-ին «համառորեն խորհուրդ է տվել» Թբիլիսիին հրաժարվել վիճահարույց օրենքի ընդունումից։ Եվրախորհրդի հանձնաժողովն ընդգծել է, որ «օրենքը, որն, իբր, ուղղված է թափանցիկության ապահովմանը, օբյեկտիվորեն հանգեցնում է խարանման, լռեցնելու վտանգի և արդյունքում`այն ասոցիացիաների ու ԶԼՄ-ների վերացմանը, որոնք իրենց միջոցների նույնիսկ չնչին մասը ստանում են արտասահմանից»:Մայիսի 14-ին Վրաստանի խորհրդարանը երրորդ և վերջնական ընթերցմամբ ընդունել է «Օտարերկրյա ազդեցության թափանցիկության մասին» օրենքը, սակայն մայիսի 18-ին երկրի նախագահ Սալոմե Զուրաբիշվիլին վետո է դրել դրա վրա։ Նա իր որոշումը հիմնավորել է այն բանով, որ օրենքն «իր ոգով» ռուսական է, ուստի խոչընդոտում է Վրաստանի եվրոպական ուղին։ Վրաստանի խորհրդարանը, սակայն, մտադիր է հաղթահարել նախագահական վետոն։Վրաստանում օրինագծի ընդունման պատճառով բազմահազարանոց բողոքի ակցիաներ են տեղի ունեցել, որոնք ուղեկցվել են իրավապահների հետ բախումներով։

Ամենաշատ կարդացվածներ

Կամչատկայում տեղի է ունեցել 6,5 մագնիտուդով երկրորդ երկրաշարժը

31.07 01:20 | Կատեգորիա Ռուսաստան

Ի՞նչ վիճակում է խոսքի ազատությունը Հայաստանում. ԽԱՊԿ նախագահը ուշագրավ փաստեր է ներկայացնում (տեսանյութ)

30.07 22:00 | Կատեգորիա Հասարակություն

Հրդեհ Եղիպատրուշ գյուղում․ Օգնության են հասել փրկարարները

30.07 20:56 | Կատեգորիա Պատահարներ

Ալեն Զուրաբյանը փոքր բրոնզե մեդալ է նվաճել

31.07 02:00 | Կատեգորիա Սպորտ

Արամ Սարգսյանի դեմ մահափորձ կազմակերպելու մեղադրանքով կալանավորված Ստեփան Սամվելյանի վիճակը կտրուկ վատացել է

31.07 22:04 | Կատեգորիա Մտքեր

Սյունիքը՝ համեղ պատառ․ ո՞վ է առեղծվածային 3-րդ կողմը․ միջանցք չպետք է լինի (տեսանյութ)

30.07 21:30 | Կատեգորիա Քաղաքական

Ռուբիոն չի բացառում Ռուսաստանի դեմ բանկային պատժամիջոցների կիրառումը

31.07 23:50 | Կատեգորիա ԱՄՆ

ՀՀ-ն մերժում է ճանապարհը ԱՄՆ-ին հանձնելու տարբերակը. ի՞նչ է Միշուստինն ասել Փաշինյանին Ալթայում (տեսանյութ)

30.07 20:30 | Կատեգորիա Քաղաքական

ԱՄՆ-ում 30 տարի առաջ սառեցված սաղմից երեխա է ծնվել

01.08 00:40 | Կատեգորիա Գիտություն և մշակույթ

ՈՒՂԻՂ