7 տարի է՝ իշխանության են, բայց չեն կարողանում մի աղբավայրի հարց լուծել․ պատգամավոր

11.10 16:54 | Կատեգորիա Հասարակություն

ԱԺ «Հայաստան» խմբակցության պատգամավոր Գառնիկ Դանիելյանը գրում է․

«Գործող իշխանության խոստումները՝ թափոնների վերամշակման գործարան և նոր աղբավայր կառուցելու մասին, այդպես էլ չիրականացան, փոխարենը շարունակվում է վտանգվել քաղաքացիների առողջությունը։«Երեկվանից քաղաքացիներն ահազանգում են, որ մայրաքաղաքի մի շարք համայնքներում անհնար է դարձել բնականոն կյանքը։

Նուբարաշենի աղբավայրը արդեն երկու օր է, ինչ այրվում է՝ քաղաքը պատելով թունավոր ծխով։Մեր հայրենակիցները ստիպված են ողջ օրը փակ պահել պատուհանները, տանից դուրս գալ խիստ անհրաժեշտության դեպքում, կամ պարզապես փախչել մայրաքաղաքից հեռու՝ խուսափելով խիստ վտանգավոր օդը շնչելուց։Ինչպես հայտնի է՝ աղբը այրելու պրակտիկան վաղուց մերժված է քաղաքակիրթ համարվող երկրներում։ Այս մեթոդը ոչ միայն ահռելի վնաս է հասցնում շրջակա միջավայրին, այլև մեծացնում է մի շարք հիվանդությունների ռիսկը՝ սիրտ-անոթայինից մինչև քաղցկեղ։

Քաղաքային իշխանությունները փորձում են խուսափել պատասխանատվությունից՝ հիմա էլ ներկայացնելով, թե օրեր շարունակ ծխացող աղբավայրի այրումը դիտավորության հետևանք է։ Անգամ այդ պարագայում, խնդրի պատասխանատուն շարունակում են մնալ իրենք։

Այս տարիների ընթացքում աղբավայրը այրվել է բազմիցս։ Հուլիսի 27-ին ևս աղբավայրում խոշոր հրդեհ էր բռնկվել։Իմ ելույթներում` ԱԺ ամբիոնից, հանձնաժողովների նիստերի ընթացքում, բազմիցս անդրադառնալով Նուբարաշենի և բնակավայրերին մոտ գտնվող այլ աղբավայրերի խնդրին՝ նշել եմ, որ միակ լուծումը դրանց փակումն ու ժամանակակից աղբավայրերի կառուցումն է։Մեծամտությունն ու պատասխանատվության բացակայությունն այնքան բնորոշ են այս իշխանություններին, որ իրենց համար պատեհ չէ լսել ընդդիմադիր գործիչներին, նրանց ահազանգերն ու առաջարկները։

Յոթ տարի է՝ ինչ իշխանություն են, սակայն չեն կարողանում մեկ աղբավայրի հարց լուծել՝ վտանգելով քաղաքացիների առողջությունը։

Տարիներ շարունակ տրվող խոստումները, որոնցում, ի դեպ, ընդգծվում էր, որ թափոնների վերամշակման գործարանի և նոր աղբավայրի կառուցումը առաջնահերթություն է, այդպես էլ իրականություն չդարձան (‎ինչպես Աջափնյակի մետրոյի պարագայում)‌‎:

Փոխարենը՝ «Էրեբունի-Երևան 2807»-ի տոնական միջոցառումները կընթանան թունավոր ծխի ուղեկցությամբ»,- սոցցանցի իր էջում գրել է Դանիելյանը։

Ամենաշատ կարդացվածներ

Շնորհակալություն են հայտնում Ալիևից, երբ Բաքվում դեռ շարունակում են մնալ մեր գերիները․ Գևորգ Սուջյան

24.01 17:37 | Կատեգորիա Հասարակություն

Որտե՞ղ է իրականում թաքցրել ոսկյա շղթան բլոգեր «222 Լավան». գողերը այն չեն գտել

24.01 23:57 | Կատեգորիա Ժամանց

«4 ամիս առանց քեզ». հոր սպանությունից 4 ամիս անց Վալոդյա Գրիգորյանի դուստրը հուզիչ գրառում է արել

24.01 22:39 | Կատեգորիա Մտքեր

Կիրակի գնում է պատարագի, հետո դիվահար նոր մտքերով գալիս՝ ոնց հարամի ժողովրդի օրը, արևը. Ժաննա Ալեքսանյան (տեսանյութ)

24.01 21:00 | Կատեգորիա Քաղաքական

Բանավեճ. Վատիկան-Էջմիածին, Իրան և Թրամփ (տեսանյութ)

24.01 23:00 | Կատեգորիա Քաղաքական

Շնաձկան հարձակումից 12-ամյա տղա է մահացել. Սիդնեյ

24.01 22:14 | Կատեգորիա Համաշխարհային

Ղազախստանի փոխնախագահը կարող է դառնալ պետության երկրորդ դեմքը

24.01 20:00 | Կատեգորիա Համաշխարհային

ԱՄԷ-ի բանակցություններում փոխզիջման որևէ նշան չի եղել

24.01 19:45 | Կատեգորիա Համաշխարհային

Աֆղանստանում ձմեռային փոթորիկների և սառցե անձրևների հետևանքով 61 մարդ է զոհվել

24.01 20:30 | Կատեգորիա Համաշխարհային

ՈՒՂԻՂ

Շնորհակալ եմ, որ չդարձաք կեղծ ու նենգամիտ բարենորոգության գործիք՝ ընդդեմ մեր Հայրապետի․ Կանադահայոց թեմի առաջնորդ