Ադրբեջանի, Թուրքիայի և Վրաստանի պաշտպանության նախարարների եռակողմ հանդիպումը կկայանա Անկարայում։ Այս մասին ասվում է Վրաստանի Պաշտպանության նախարարության հաղորդագրությունում։
«Եռակողմ ձևաչափով նախարարները կքննարկեն ռազմավարական գործընկերության հարցերն ու համագործակցության զարգացման պլանները։ Հաջորդ տարի պաշտպանության նախարարների հանդիպումը կկայանա Ադրբեջանում», -նշված է հաղորդագրության մեջ։
Նշվում է, որ Վրաստանի պաշտպանության նախարար Իրակլի Չիկովանին երկկողմ հանդիպումներ կունենա իր թուրք և ադրբեջանցի գործընկերների՝ Յաշար Գյուլերի և գեներալ-գնդապետ Զաքիր Հասանովի հետ։
Եռակողմ հանդիպման արդյունքում նախարարները կստորագրեն համատեղ հռչակագիր և հանդես կգան հայտարարություններով։
