Թուրքիայի նախագահ Ռեջեփ Թայիփ Էրդողանը հայտարարել է, որ Եգիպտոսում Գազայի հարցով խաղաղության բանակցություններից դրական արդյունքներ է ակնկալում։
«Հրադադարը և արդար խաղաղությունը ամենախելամիտ տարբերակն են բոլոր նրանց համար, ովքեր կողմ են կարգավորմանը: Այսօր Շարմ էլ Շեյխում կայանալիք բանակցությունները կարևորագույն նշանակություն ունեն: Մենք հույս ունենք այնտեղից լավ լուրեր ստանալ:
Մենք երբեք չենք լքի մեր պաղեստինցի եղբայրներին ու քույրերին այս գործընթացում», - ասել է Էրդողանը՝ ելույթ ունենալով իշխող «Արդարություն և զարգացում» կուսակցության անդամների առջև։
