Պուտինը չի հերքել հյուսիսկորեական զորքերի՝ ՌԴ-ում գտնվելու վերաբերյալ լուրերը

25.10 09:32 | Կատեգորիա Ռուսաստան

Ռուսաստանի նախագահ Վլադիմիր Պուտինը չի հերքել ամերիկյան պնդումներն այն մասին, որ Հյուսիսային Կորեան զորքեր է ուղարկել Ռուսաստան։ «Արմենպրես»-ի փոխանցմամբ՝ հոկտեմբերի 24-ին ԲՐԻԿՍ-ի գագաթնաժողովի ավարտից հետո հրավիրված մամուլի ասուլիսում Պուտինին հարց են ուղղել ԿԺԴՀ-ից Ռուսաստան զինվորական անձնակազմի տեղափոխման և դրան առնչվող արբանյակային լուսանկարների մասին։

«Լուսանկարները լուրջ բան են։ Եթե կան լուսանկարներ, ուրեմն դրանք ինչ-որ բան արտացոլում են», - ասել է Պուտինը։

ՌԴ նախագահը նաև նշել է, որ ՆԱՏՕ-ի զորքերը վաղուց անմիջականորեն ներգրավված են եղել ուկրաինական հակամարտության մեջ:

«Ինչ վերաբերում է Կորեայի Ժողովրդական Դեմոկրատական Հանրապետության հետ մեր հարաբերություններին, ինչպես գիտեք, այսօր վավերացվել է մեր ռազմավարական գործընկերության համաձայնագիրը։ Այնտեղ կա 4-րդ հոդվածը: Մենք երբեք չենք կասկածել, որ Հյուսիսային Կորեայի ղեկավարությունը լրջորեն է վերաբերվում մեր պայմանավորվածություններին: Բայց թե ինչ և ինչպես ենք մենք անելու, դա մեր գործն է՝ այդ հոդվածի շրջանակներում», - ընդգծել է Պուտինը։

ՌԴ նախագահը նաև ասել է, որ Մոսկվան չի ցանկանում սրել իրավիճակը, դա արվում է «մյուս կողմից»։

«Մենք պատրաստ ենք այդ սրմանը։ Մտածեք՝ արդյոք դրան պատրաստ են այն երկրները, որոնք դրանով զբաղվում են», - զգուշացրել է նա։

Ռուսաստանի և ԿԺԴՀ-ի միջև Համապարփակ ռազմավարական գործընկերության մասին համաձայնագիրը հունիսին Փհենյանում ստորագրել են ՌԴ նախագահ Վլադիմիր Պուտինը և Հյուսիսային Կորեայի առաջնորդ Կիմ Չեն Ընը։

Ընդհանուր առմամբ, համաձայնագիրն ունի 23 հոդված։ Համաձայն 4-րդ հոդվածի՝ եթե կողմերից մեկը մեկ կամ մի քանի պետությունների կողմից զինված հարձակման պատճառով հայտնվի պատերազմական իրավիճակում, ապա մյուս կողմը նրան անհապաղ ռազմական օգնություն կցուցաբերի իր տրամադրության տակ գտնվող բոլոր միջոցներով: Պայմանագիրը գործում է անժամկետ։ Պետդուման փաստաթուղթը վավերացրել է հոկտեմբերի 24-ին։

Ավելի վաղ ԱՄՆ-ն հայտարարել էր, որ կան վկայություններ, որ Հյուսիսային Կորեան Ռուսաստան է ուղարկել 3000 զինվորի, որոնք, հնարավոր է, տեղափոխվեն Ուկրաինայում կռվելու։ Մինչ այդ Հարավային Կորեան հայտարարել էր, որ ԿԺԴՀ-ն ՌԴ է ուղարկել 1500 հոգուց բաղկացած հատուկ ուժեր։

«Գործող ռեժիմն իր խայտառակ գործողություններն ավարտին հասցնելու ճանապարհին որևէ բանի առաջ կանգ չի առնելու». Տիգրան Աբրահամյան

20.08 21:05 | Կատեգորիա Մտքեր

Լրահոս

11:39

Al Jazeera. Գազայի դպրոցին Իսրայելի կողմից հասցված ավիահարվածի հետևանքով զոհվել է 12 պաղեստինցի

11:35

Պուտինը շնորհավորել է Մեհրիբան Ալիևային ծննդյան օրվա կապակցությամբ

11:25

ՀԷՑ-ի Մարզային մասնաճյուղերի ղեկավարները մեկը մյուսի հետևից հեռացվում են

11:15 Կարևոր

Այսօր արդեն հաստատված է խաղաղություն, որը համապատասխանում է տարածաշրջանի բոլոր երկրների շահերին․ Գրիգորյանը՝ Շոյգուին

11:14

ԱՄՆ-ը կարող է փոխել իր մոտեցումը Ռուսաստանի և Ուկրաինայի հակամարտության նկատմամբ երկու շաբաթվա ընթացքում․ Թրամփ

11:10

Նեթանյահուն քննարկել է Կատար կամ Եգիպտոս բանակցություններ վարողներ ուղարկելու հնարավորությունը

10:59 Կարևոր

Ձերբակալվել է «Գույքի գնահատման և աճուրդի կենտրոն» ՊՈԱԿ-ի նախկին գլխավոր տնօրենը. ՀԿԿ