Ապրիլի 22-ին Մարսելի քաղաքային իշխանությունների նախաձեռնությամբ քաղաքի Ֆարո պալատում տեղի ունեցավ Հայոց Ցեղասպանության 111-րդ տարելիցին նվիրված միջոցառում, որին ներկա էին Մարսելի քաղաքապետ Բենուա Պայանը (Benoît Payan), ՀՀ գլխավոր հյուպատոս Արա Մկրտչյանը, Մարսելի քաղաքային և տարածաշրջանային կառույցների, Ֆրանսիայի հայ համայնքի մի շարք միությունների ներկայացուցիչներ: Այս մասին հայտնել են Մարսելում ՀՀ Գլխ. Հյուպատոսությունից:
Ավանդական դարձած միջոցառումն ուղեկցվեց պարային և երաժշտական գեղեցիկ կատարումներով:
Միջոցառման ավարտին, որպես Հայոց Ցեղասպանության զոհերի հիշատակին մարսելցիների հարգանքի տուրքի նշան, Ֆարո պալատի շենքը լուսավորվեց հայկական եռագույնով, այնուհետև հնչեցին Հայաստանի և Ֆրանսիայի պետական օրհներգերը:
