Թրամփի վարչակազմը կքննարկի պետական ծառայողների կրճատումները և գործակալությունների գործունեության դադարեցումը՝ պայմանավորված կառավարության շաթդաունով: Այս մասին հայտարարել է Սպիտակ տան մամուլի քարտուղար Քերոլայն Լիվիտը:
«Մենք կսկսենք դիտարկել պետական ծառայողների կրճատումների բոլոր ոլորտները, ինչպես նաև այն գործակալությունների, որոնք, մեր կարծիքով, լավագույնս չեն սպասարկում ամերիկացի հարկատուներին և որտեղ մենք կարող ենք կատարել կրճատումներ կամ ընդհանրապես փակել դրանք», – ասել է նա Fox News-ին տված հարցազրույցում։
Ավելի վաղ Թրամփը հայտարարել էր, որ հինգշաբթի օրը մտադիր է հանդիպել Սպիտակ տան կառավարման և բյուջեի գրասենյակի տնօրեն Ռասել Վութի հետ՝ «որոշելու համար, թե բազմաթիվ դեմոկրատական գործակալություններից, որոնք է նա առաջարկում կրճատումներ կատարել, և արդյոք այդ կրճատումները պետք է լինեն ժամանակավոր, թե մշտական»։
ԱՄՆ դաշնային կառավարությունը մասնակիորեն փակվել է հոկտեմբերի 1-ի կեսգիշերին՝ ֆինանսավորման պակասի պատճառով։ Դա տեղի է ունեցել այն ժամանակ ԱՄՆ Կոնգրեսում իշխող հանրապետական և ընդդիմադիր դեմոկրատական կուսակցությունների ներկայացուցիչները չեն կարողացել համաձայնության գալ մի շարք ծախսերի շուրջ, այդ թվում՝ առողջապահության։ Նրանք միմյանց մեղադրում են կառավարության փակումը հրահրելու և քաղաքական նպատակներով այն երկարաձգելու մեջ։
