Ֆրանսիացիների մեծամասնությունը (53%) դեմ է Ուկրաինա արևմտյան ռազմական ուժեր ուղարկելուն։ Այս մասին են վկայում «Le Figaro» թերթում հրապարակված Ֆրանսիայի հասարակական կարծիքի ինստիտուտի (IFOP) կողմից անցկացված հարցման արդյունքները։
Հարցվածների մոտ 47%-ը կողմ է։ Ավելի վաղ Ֆրանսիայի նախագահ Էմանուել Մակրոնը հայտարարել էր, որ «կոալիցիայի» կազմում արդեն իսկ ընդգրկված է 30 անդամ երկիր։
Միևնույն ժամանակ, հարցման արդյունքներում նշվում է, որ ֆրանսիացիների 75%-ը կողմ է Կիևին «անվտանգության ամուր երաշխիքներ» տրամադրելուն։ Հարցվածների ոչ պակաս, քան 56%-ը կողմ է զենքի մատակարարումների շարունակմանը և Ուկրաինայի անդամակցությանը ՆԱՏՕ-ին և ԵՄ-ին։
Հասարակական կարծիքի հարցմանը մասնակցել է 18 տարեկան և բարձր մոտ 1200 ֆրանսիացի։
