Aravot.am-ի տեղեկություններով՝ Ամենայն Հայոց Կաթողիկոսն օրերս այցելել է Միքայել արքեպիսկոպոս Աջապահյանին:
Մայր Աթոռի տեղեկատվական համակարգի հետ չի հաջողվել կապվել, բայց Aravot.am-ի աղբյուրը հայտնել է, որ Վեհափառ Հայրապետը Սրբազան հորն այցելել է եպիսկոպոսների ուղեկցությամբ:
Ի դեպ, մեկ ամիս առաջ Ամենայն Հայոց կաթողիկոսին թույլ չէին տվել այցելել Միքայել սրբազանին՝ նախնական կալանքի վայրում:
Դատական նիստի ժամանակ Շիրակի թեմի առաջնորդի պաշտպան Երեմ Սարգսյանը լրագրողներին ասել էր, որ քննիչը մերժել է միջնորդությունը:
