Գերագույն Ռադայի պատգամավոր Ալեքսեյ Գոնչարենկոն ուրբաթ օրը հայտնել է, որ ԱՄՆ-ում սպանված Իրինա Զարուցկայայի հորը նրա հուղարկավորությանը մասնակցելու թույլտվություն չտալուց հետո, ինքը խորհրդարան է ներկայացրել մի օրինագիծ, որը թույլ կտա բոլոր քաղաքացիներին ազատորեն լքել Ուկրաինան։
«Նյու Յորք Փոստ» թերթն ավելի վաղ հայտնել էր, որ ուկրաինացի Իրինա Զարուցկայայի հայրը, ում ԱՄՆ-ի Հյուսիսային Կարոլինայում դանակահարել էր գործազուրկ աֆրոամերիկացի, չի կարողացել մասնակցել դստեր հուղարկավորությանը՝ ռազմական դրության ժամանակ Ուկրաինայից դուրս գալու արգելքի պատճառով։
«ԱՄՆ-ում սպանված ուկրաինացի կնոջ հորը թույլ չեն տվել մասնակցել դստեր հուղարկավորությանը, քանի որ նա զորակոչի տարիքի է: Սահմանը պետք է բաց լինի։ Բոլորը պետք է ունենան հավասար իրավունքներ։ Ես ներկայացրել եմ օրինագիծ բոլորի համար երկրից դուրս գալու հնարավորության մասին։ Այս դաժանությունը պետք է դադարեցվի», - գրել է Գոնչարենկոն իր Telegram ալիքում։
