Գազա քաղաքի և դրա շրջակայքի վրա Իսրայելի կողմից հասցված հարվածների հետևանքով մեկ օրում զոհերի թիվը հասել է 52-ի, հաղորդում է Al Jazeera-ն՝ հղում անելով պաղեստինյան անկլավի առողջապահության նախարարության աղբյուրներին: Նրանց տվյալներով՝ տասնյակ բնակիչներ վնասվածքներով տեղափոխվել են հիվանդանոցներ:
Նշվում է, որ սեպտեմբերի 6-ին Գազայում Իսրայելի հարձակումների զոհ է դարձել 74 պաղեստինցի։Տեղական քաղաքացիական պաշտպանության պաշտոնյան հեռուստաալիքին հայտնել է, որ քաղաքում առնվազն 50 տուն 48 ժամվա ընթացքում ամբողջությամբ ավերվել է, ևս 100 շենք վնասվել է։
Գնդակոծվել են նաև Գազայում տեղահանվածների համար ստեղծված ճամբարները, որի արդյունքում ոչնչացվել է առնվազն 200 վրան։Հրաձգության տակ են հայտնվել օգնության բաշխման կենտրոններում սնունդ ստացող պաղեստինցիները: Ըստ Al Jazeera-ի՝ վիրավորվել է 85 մարդ, 8-ը՝ մահացել են ստացած վերքերից:
Ըստ «Մաան» գործակալության՝ վերջին օրերին ավելի քան 90,000 բնակիչ լքել է Գազան՝ ուղղվելով դեպի Էլ-Մավասի տարածքում գտնվող մարդասիրական գոտի, որը ստեղծվել է անկլավի հարավային մասում։
