Ֆրանսիայի կառավարության վստահության քվեարկությունը տեղի կունենա Ազգային ժողովում (խորհրդարանի ստորին պալատ) երկուշաբթի երեկոյան։
Այն, մեծ հավանականությամբ, կավարտվի գործող վարչապետ Ֆրանսուա Բայրուի պարտությամբ, հայտնում է La Tribune-ը։
Խորհրդարանական LCP հեռուստաալիքի հաշվարկների համաձայն, որոնք հիմնված են պատգամավորների հրապարակային հայտարարությունների և սեփական աղբյուրների վրա, 577 պատգամավորներից, ընդհանուր առմամբ, 330-ը մտադիր են քվեարկել կառավարությանը վստահության դեմ՝ աջակողմյան ընդդիմության 138 և ձախակողմյան ընդդիմության 172 ներկայացուցիչներ։
Այս թիվը ավելի քան բավարար է կառավարությանը ստիպելու հրաժարական տալ նույնիսկ դասական անվստահության քվեարկության դեպքում, որը պահանջում է բացարձակ մեծամասնություն։
Եվ այն դեպքում, երբ քվեարկությունը նախաձեռնում է անձամբ վարչապետը, ինչպես հիմա է, հաշվի է առնվում կողմ և դեմ ձայների հարաբերակցությունը, ուստի, բոլոր ձեռնպահ մնացածները, և սպասվում է, որ նրանց թիվը կկազմի մոտ 40, փաստորեն կլինեն նաև կառավարության հակառակորդների կողմը։
