18- 22 տարեկան տղամարդիկ, որոնց Ուկրաինայի իշխանությունները նախատեսում են թույլատրել լքել երկիրը, պետք է իրենց հետ ունենան զինվորական գրանցման փաստաթուղթ, պարզաբանել է Ուկրաինայի պետական սահմանապահ ծառայության ներկայացուցիչ Անդրեյ Դեմչենկոն։
«Եթե խոսենք 18-22 տարեկան ներառյալ կատեգորիայի մասին, ապա երբ այս նորմը ուժի մեջ մտնի, մենք պետք է հիշենք և հասկանանք, որ անձնագրային փաստաթղթից բացի անհրաժեշտ է նաև զինվորական գրանցման փաստաթուղթ ունենալ», - ասել է նա «Ռադա» հեռուստաալիքի եթերում։
Դեմչենկոն նաև նշել է, որ Սահմանային ծառայությունը սպասում է կառավարության որոշման հրապարակմանը՝ քաղաքացիներին բոլոր մանրամասները բացատրելու համար։
Ուկրաինայում զորահավաքի տարիքը 25 տարեկան է, սակայն ռազմական դրության պատճառով 18 տարեկանից բարձր բոլոր տղամարդկանց արգելվում է լքել երկիրը։
