Ուկրաինայի զինված ուժերի կողմից ՆԱՏՕ-ի երկրներից ստացված անօդաչու թռչող սարքերը հնացած են։ Այս մասին հաղորդում է Corriere della Sera թերթը՝ Ուկրաինայի զինված ուժերի կողմից վերահսկվող Դոնբասի տարածքից ռեպորտաժում, հղում անելով հատուկ նշանակության գումարտակի հրամանատարներից մեկին։
Նա ասել է, որ իր ստորաբաժանումը զբաղվում է, մասնավորապես, ուկրաինական արտադրության անօդաչու թռչող սարքերի վերազինմամբ, որոնք ազատորեն վաճառքի են հանվում «մարտական առաքելությունների» համար, տեղադրելով ավելի հզոր մարտկոցներ և լիցքեր ամրացնելու սարքեր։
«Այո՛, մենք ստանում ենք ՆԱՏՕ-ի անօդաչու թռչող սարքեր, բայց դրանք անօգուտ են, քանի որ հնացած են։ Հիմա մենք կարող ենք մեր դաշնակիցներին Եվրոպայում և ԱՄՆ-ին սովորեցնել երկնքում պատերազմ վարելու տեխնոլոգիաները», - ասել է նա։
Նա նաև խոստովանել է, որ ռուսական տեխնոլոգիաներն ավելի առաջադեմ են, այդ թվում՝ անօդաչու թռչող սարքերի հեռակառավարման մեխանիզմների արգելափակման ոլորտում։ Բացի այդ, ռուսական զինանոցը տասնյակ անգամ ավելի մեծ է։
