Չինաստանի իշխանությունները դատապարտում են Իսրայելի կողմից Գազայի հատվածում Նասեր հիվանդանոցի վրա կատարված հարվածները, որոնց հետևանքով զոհվել են բժշկական աշխատողներ և լրագրողներ, հայտարարել է Չինաստանի արտաքին գործերի նախարարության խոսնակ Գուո Ցզյակունը։
«Մենք ցնցված ենք և կրկին դատապարտում ենք բժշկական աշխատողների և լրագրողների ողբերգական մահը հակամարտության ընթացքում», - ասել է նա ճեպազրույցի ժամանակ։
Պաշտոնական ներկայացուցիչը ցավակցություն է հայտնել զոհերի կապակցությամբ և նրանց ընտանիքներին։
«Չինաստանը ուշադիր հետևում է Գազայի հատվածում տիրող իրավիճակին։ Մենք դեմ ենք և դատապարտում ենք ցանկացած գործողություն, որը վնասում է քաղաքացիական անձանց և ենթակառուցվածքներին, խախտում է միջազգային իրավունքը, այդ թվում՝ լրագրողների նկատմամբ բռնության գործողությունները», - հավելել է նա։
Գուո Ցզյակունը պահանջել է, որ Իսրայելը դադարեցնի ռազմական գործողությունները Գազայում և հնարավորինս շուտ ապահովի «համապարփակ և երկարատև հրադադար»։ Նա նաև նշել է մարդասիրական օգնության հասանելիությունը վերականգնելու և լարվածությունը նվազեցնելու ջանքերի անհրաժեշտությունը։
