Կանադայի ղեկավարությունը ԵՄ գործընկերների հետ քննարկել է Ռուսաստանի դեմ ֆինանսական ոլորտում նոր պատժամիջոցներ կիրառելու հնարավորությունը, բացի Եվրամիության կողմից մշակվող սահմանափակումների 19-րդ փաթեթից։ Այս մասին հայտարարել է Կանադայի վարչապետ Մարկ Քարնին Գերմանիայի կանցլեր Ֆրիդրիխ Մերցի հետ համատեղ մամուլի ասուլիսում։
«Մենք քննարկեցինք, թե Ռուսաստանի դեմ ինչ այլ ֆինանսական պատժամիջոցներ կարող են ներդրվել անհրաժեշտության դեպքում՝ ԵՄ պատժամիջոցների 19-րդ փաթեթից բացի», - ասել է վարչապետը։
Միաժամանակ, Քարնին ընդգծել է, որ իր կարծիքով, Ուկրաինայում հակամարտության կարգավորման ամենաճիշտ քայլը կլինի Ռուսաստանի նախագահ Վլադիմիր Պուտինի և Վլադիմիր Զելենսկիի միջև շուտափույթ հանդիպումը։ Միաժամանակ, վարչապետը կարծում է, որ Արևմուտքը, բանակցային գործընթացի ֆոնին, պետք է շարունակի պատժամիջոցների ճնշում գործադրել Ռուսաստանի Դաշնության վրա և չդադարեցնի Ուկրաինային ռազմական աջակցությունը։
Նա հիշեցրել է որ Կանադայի պատժամիջոցների ցուցակներում ներառված են մոտ 3 հազար ֆիզիկական և իրավաբանական անձինք։ Նա նաև վերահաստատել է, որ Օտտավան Կիևին լրացուցիչ 1,45 միլիարդ դոլար կհատկացնի զենքի մատակարարման, ինչպես նաև ուկրաինական անօդաչու թռչող սարքերի արտադրության զարգացման համար։
