ԱՄՆ պաշտպանության նախարարությունը լրացուցիչ խորը հետաքննություն է անցկացնում նախկին նախագահ Ջո Բայդենի վարչակազմի օրոք Աֆղանստանից ամերիկյան զորքերի դուրսբերման վերաբերյալ, երկուշաբթի օրը հայտարարել է Պենտագոնի ղեկավար Փիթ Հեգսեթը։
«Ինչ վերաբերում է Աֆղանստանում տեղի ունեցող իրադարձություններին, զինվորականները պետք է պատասխան տան տեղի ունեցածի համար։ Հետևաբար, նախագահի հանձնարարությամբ մենք անմիջապես սկսեցինք հետաքննություն, որը ցույց տվեց ավելի խորը հետաքննության անհրաժեշտությունը։Աշխատանքները ղեկավարում է Պենտագոնի խոսնակ Շոն Պարնելը, ով ինքն էլ Աֆղանստանի վետերան է», – Սպիտակ տանը լրագրողներին ասել է Հեգսեթը։
Նա հավելել է, որ հետաքննության ընթացքում ԱՄՆ ռազմական գերատեսչությունը մտադիր է հասանելիություն ստանալ բոլոր անհրաժեշտ փաստաթղթերին, ստանալ զորքերի դուրսբերման ընթացքում կայացված որոշումների պատճառների բացատրությունները, ինչպես նաև պարզաբանել ԱՄՆ զորքերի պաշտպանության որոշակի միջոցառումներ անտեսելու հանգամանքները։
