Եմենի տարածքին Իսրայելի կողմից հասցված վերջին օդային հարվածը բոլոր արաբական պետությունների ինքնիշխանության խախտում է, հայտարարել է պաղեստինյան ՀԱՄԱՍ շարժման ղեկավարությունը։
«Իսրայելի կողմից Եմենի դեմ ագրեսիան միջազգային իրավունքի կոպիտ խախտում է և բոլոր արաբական երկրների ինքնիշխանության նկատմամբ ոտնձգություն», – ասվում է արմատականների Telegram ալիքում հրապարակված հաղորդագրության մեջ։ ՀԱՄԱՍ-ը կոչ է արել բոլոր արաբական և իսլամական երկրներին «աջակցել Եմենին այս հարձակման առջև» և շնորհակալություն հայտնել «Անսար Ալլահ» (հութի) ապստամբ շարժման կողմնակիցներին Իսրայելի դեմ իրենց գործողությունների համար։
Կիրակի օրը «Անսար Ալլահի» «Ալ Մասիրա» հեռուստաընկերությունը հաղորդել է, որ Իսրայելը մի շարք ավիահարվածներ է հասցրել Սանայում գտնվող էներգետիկ օբյեկտներին, որոնք գտնվում են հութիների վերահսկողության տակ։
