Քնի մասնագետ, բժշկական գիտությունների դոկտոր Ռոման Բուզունովը KP.RU-ի հետ զրույցում բացատրել է, թե ինչու են երազները թվում գուշակող։ Պրոֆեսորի կարծիքով, գիշերային «կանխատեսումները» ոչ թե միստիկա են, այլ մեր ուղեղի աշխատանքի արդյունք։
«Երազում ուղեղը կանխատեսումներ է անում առանց մեր գիտակցության մասնակցության։ Սա մարդկանց և կենդանիների միջև հիմնական տարբերությունն է։ Մենք անընդհատ վերլուծում ենք տեղեկատվությունը, այդ թվում՝ երազում», - ասել է փորձագետը։
Նրա խոսքերով, եթե մարդուն, օրինակ, երազում երեւում է, թե նրան մեքենա է բախվում, հնարավոր է, որ նա հաճախ փողոցն անցնում է չթույլատրելի հատվածներով։ Ուղեղը վերլուծում է իրավիճակը՝ այն հասցնելով տրամաբանական արդյունքի։
Միևնույն ժամանակ, նման տեսիլքը կարող է թվալ որոշ բարձրագույն ուժերի նախազգուշացում։
Բացի այդ, բժիշկը շեշտել է, որ յուրաքանչյուր իրադարձություն ունի իր հավանականության բաժինը։ Եթե երազը պատահաբար իրականանում է, մարդիկ հակված են դրան կարևորություն տալ և այն մարգարեական համարել։ Իսկ եթե այն չի իրականանում, ապա նրանք ուշադրություն չեն դարձնում երազին և մոռանում են։
Թարգմանությունը՝ Euromedia24.com-ի
