Պղպեղը, քրքումը, ռեհանը և օրեգանոն բարելավում են սննդի համը՝ առանց արյան ճնշման բարձրացման ռիսկի: Այս մասին Vanitatis-ին ասել է սննդաբան Սերխիո Տոռեսը:
Բժիշկը հիշեցրել է, որ աղի չափից շատ օգտագործումը խաթարում է հեղուկի հավասարակշռությունը: Փաստն այն է, որ այս մթերքը պահպանում է հեղուկը օրգանիզմում և մեծացնում է շրջանառվող արյան ծավալը: Սա, իր հերթին, մեծացնում է ճնշումը արյան անոթների պատերի վրա:
«Քրքումը, պղպեղը, ռեհանը և օրեգանոն ուտեստներին կտան ոչ միայն համ, այլև բույր և գույն», - ասել է բժիշկ Տոռեսը:
Բժշկի խոսքով՝ հիպերտոնիայով տառապող և աղի սննդի սիրահար մարդիկ նույնպես պետք է ձեռնարկեն լրացուցիչ պաշտպանիչ միջոցներ: Սրտանոթային համակարգի առողջությունը պահպանելու համար բժիշկը խորհուրդ է տվել սննդակարգը լրացնել բանջարեղենով, մրգերով, լոբազգիներով և օմեգա-3-ով հարուստ մթերքներով: Վերջիններիս թվում են ձուկը, ընկույզը և ձիթապտղի յուղը:
Մասնագետը նաև հիշեցրել է ավելի շատ ջուր խմելու անհրաժեշտության մասին. դա առողջ խմելու ռեժիմ է, որը օգնում է կանխել հեղուկի կուտակումը և պահպանել նորմալ արյան ճնշումը:
Թարգմանությունը՝ Euromedia24.com-ի
