ԵՄ առաջնորդները պատրաստվում են «կոշտ բանակցություններ» Չինաստանի նախագահ Սի Ծինփինի հետ՝ Պեկինում կայանալիք ԵՄ-Չինաստան գագաթնաժողովի ընթացքում Ուկրաինայում առևտրային լարվածության և հակամարտության ֆոնին, հաղորդում է Financial Times (FT)-ն։
Ինչպես հրատարակությանը հայտնել է ԵՄ դիվանագիտական ծառայության ղեկավար Կայա Կալլասը, համայնքը մտահոգված է Չինաստանի արդյունաբերական գերհզորությամբ, առևտրային անհավասարակշռությամբ և «հարկադրական տնտեսական գործելակերպով», Չինաստանի գերիշխանությամբ կարևորագույն հումքի, քիմիական նյութերի և սպառողական անօդաչու թռչող սարքերի արտադրության ոլորտում։
«Առևտուրն ու անվտանգությունը փոխկապակցված են», - ընդգծել է Կալլասը։ԵՄ բարձրաստիճան պաշտոնյաներից մեկը, պատասխանելով հնարավոր «գագաթնաժողովի արդյունքների» մասին հարցին, նշել է, որ այն փաստը, որ կողմերը քննարկել են դժվար հարցեր, նվաճում է։«Չինաստանում ամենաբարձր մակարդակով կարծիքների բաց փոխանակումը լավ արդյունք է», - ընդգծել է աղբյուրը։
FT-ն հիշեցրել է, որ անցած տարվա ընթացքում Բրյուսելը 25 հետաքննություն է սկսել չինական ապրանքների հետ կապված «առևտրային շահերի պաշտպանության» համատեքստում, ինչը գրեթե չորս անգամ ավելի է, քան նախորդ տարի։
