Թեհրանը դեռևս պատրաստ չէ Վաշինգտոնի հետ Իրանի միջուկային ծրագրի շուրջ ուղիղ բանակցությունների, Fox News-ին տված հարցազրույցում հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին։
«Մենք բաց ենք բանակցությունների համար, դեռևս ոչ ուղղակի, եթե դրանք հանգեցնեն փոխշահավետ լուծման», – պատասխանել է նա այն հարցին, թե արդյոք Իրանը պատրաստ է Վաշինգտոնի վարչակազմի հետ ուղղակի բանակցությունների։ Արաղչին ընդգծել է, որ ինքը «պատրաստ է փոխգործակցության»։
«Մենք պատրաստ ենք ձեռնարկել վստահության ամրապնդման ցանկացած միջոցառում, որը անհրաժեշտ է՝ ցույց տալու համար, որ Իրանի միջուկային ծրագիրը խաղաղ է և միշտ էլ կլինի։ Եվ որ Իրանը երբեք չի ձգտի ձեռք բերել միջուկային զենք։ Եվ ի պատասխան՝ մենք ակնկալում ենք, որ նրանք կվերացնեն իրենց պատժամիջոցները», – ասել է Իսլամական Հանրապետության արտաքին գործերի նախարարության ղեկավարը։
